ऑनलाईन टीम/तरुण भारत
उत्तर प्रदेशसह पाच राज्यांच्या निवडणुकांनंतर पुढील दोन वर्षांत इतर अनेक राज्यांतही निवडणुका होणार आहेत. त्यानंतर लगेचच २०२४ मध्ये लोकसभेच्या निवडणुका होणार आहेत. हे लक्षात घेऊन २०२४ च्या निवडणुकीची तयारी करणाऱ्या काँग्रेस पक्षाने राहुल गांधींच्या नावाने व्हॉट्सअ‍ॅप ग्रुप तयार केले आहेत. या व्हॉट्सअ‍ॅप ग्रुपची थीम राहुल/आरजी कनेक्ट अशी आहे.
उत्तर प्रदेशात भाजपला रोखण्यासाठी काँग्रेससह सर्वच विरोधी पक्ष कमला लागले आहेत. तर २०२४ च्या लोकसभा निवडणुकांसाठी काँग्रेसची तयारी सुरु झाली आहे. राज्यांमधील निवडक प्रशिक्षित व्यक्तींचा संपर्क वाढवण्यासाठी पक्ष एक अॅप विकसित करण्याचा विचार करत आहे. पुढील लोकसभा निवडणुकीपूर्वी आपली सोशल मीडिया आणि ऑनलाइन ताकद आणखी मजबूत व्हायला हवी, असे पक्षाचे मत आहे. कोविड-१९च्या काळातही अशा अॅप्सचा अभाव पक्षाला जाणवला होता.
