होनगा ग्रा. पं. अध्यक्षपदी विजय व्हनमनी यांची निवड

काकती : होनगा ग्रा. पं. च्या झालेल्या अध्यक्ष व उपाध्यक्षपदाच्या चुरशीच्या निवडणुकीत उपाध्यक्षपदी विजय माणिक व्हनमनी तर उपाध्यक्षपदी मल्लव्वा गंगाप्पा वरग विजयी झाले आहेत. होनगा ग्रा. पं. क्षेत्रात बेन्नाळी, दासरवाडी, हेग्गेरी, हळ्ळे व व्हसा होसूर, जुमनाळ, केंचनट्टी, इरभावी आदी गावांचा समावेश असून 27 सदस्य असलेल्या या निवडणुकीत अध्यक्षपदासाठी विजय व्हनमनी 14 मते घेऊन विजयी झाले. उपाध्यक्षपदासाठी मल्लव्वा गंगाप्पा वरग या 15 मते मिळवून विजयी झाल्या. निवडणूक अधिकारी म्हणून पाणी पुरवठा खात्याचे अभियंता सुभाष हंप्पीहोळी यांनी परीक्षक म्हणून काम पाहिले. निवडून आलेल्या अध्यक्ष व उपाध्यक्षांना अनुक्रमे सुभाष हंप्पीहोळी व ग्राम विकास अधिकारी सुमित्रा मिरजी यांनी पुष्पहार घालून अभिनंदन केले. निकाल जाहीर होताच कार्यकर्त्यांनी गुलालाची उधळण व फटाक्यांची आतषबाजी करून आनंद व्यक्त केला. नूतन अध्यक्ष-उपाध्यक्षांनी सर्व सदस्यांना विश्वासात घेऊन मूलभूत सुविधा व कल्याणकारी योजना गोरगरिबांपर्यंत पोहचविणार असून शेतीच्या विकासाकडेही लक्ष देणार असल्याचे मनोगत व्यक्त केले.