हुपरी येथे रिव्हॉल्‍वरमधून गोळी सुटून युवक ठार

प्रतिनिधी / कोल्हापूर

रिव्हॉल्वर साफ करताना गोळी सुटून हुपरी ता. हातकणंगले येथील चांदी उद्योजकाचा पुत्र ठार. रिव्हॉल्‍वर साफ करत असताना गोळी सुटून ही घटना घडली. हुपरी येथील शांतिनगर येथे राहणारा 27 वर्षीय सागर सुनील गाट हा युवक ठार झाला.

मृत सागर याचा मुलगा सिध्दचा आज शनिवारी वाढदिवस होता. मात्र मुलाचा वाढदिवस साजरा करण्याआधीच सागर यांचा अंत झाला. सुनील गाट हे हुपरीतील चांदी व्यापारी असून सागर वडीलांची रिव्हॉल्‍वर साफ करत असताना अचानक ही दुर्दैवी घटना घडल्याने हुपरीत खळबळ उडाली आहे.