ही अंतिम महामारी नाही

कोरोना विषाणू जगात येणारी अखेरची महामारी नाही. हवामान बदल आणि पशू कल्याणाला सामोरे गेल्याशिवाय मानवी आरोग्यात सुधारणा करण्याचे प्रयत्न यशस्वी होणार नाहीत. कोरोनाविरोधी लढाईत केवळ पैसा पाण्यासारखा खर्च केल्याने काहीच हाती लागणार नाही. आम्ही एका आपत्तीला सामोरे जाण्यासाठी पैशांचा वापर करतो, आपत्ती संपुष्टात येताच आम्हाला त्याचा विसर पडतो. भविष्यात अशा समस्यांपासून वाचण्यासाठी पावले उचलणे थांबवतो, असे उद्गार डब्ल्यूएचओचे प्रमुख टेड्रोस गेब्रयेसस यांनी काढले आहेत.