वार्ताहर / बागायत:
आमदार वैभव नाईक यांनी मंगळवारी हिवाळे प्राथमिक आरोग्य केंद्राला भेट देऊन आरोग्य व्यवस्थेचा आढावा घेतला. आमदार नाईक यांच्या माध्यमातून याठिकाणी ऑक्सिजन कॉन्सन्ट्रेटर देण्यात आला. प्राथमिक आरोग्य केंद्राला रुग्णवाहिका देण्याची मागणी करण्यात आली. लवकरात लवकर ही मागणी पूर्ण करण्याची ग्वाही आमदार नाईक यांनी दिली. औषध पुरवठा तसेच कोविड स्थितीची माहिती घेण्यात आली. ज्यांना लक्षणे आहेत, त्यांची कोविड टेस्ट करण्याच्या सूचना देण्यात आल्या.
शिरवंडेत आतापर्यंत 100 पेक्षा जास्त कोविड रुग्ण सापडल्याने आमदार नाईक यांनी शनिवारी शिरवंडे ग्रामपंचायत येथे भेट देऊन गावातील कोविड स्थितीचा आढावा घेतला होता. त्यावेळी कोविड रुग्णांसाठी औषधांची मागणी करण्यात आली होती. त्यावर नाईक यांनी जिल्हा आरोग्य अधिकारी डॉ. महेश खलिपे व तालुका आरोग्य अधिकारी डॉ. कुबेर मिठारी यांच्याशी संपर्क साधत रुग्णांसाठी तातडीने आवश्यक औषध पुरवठा करण्याच्या सूचना दिली होती. त्यानुसार शिरवंडे येथे तातडीने औषधे व अन्य आवश्यक साहित्याचा पुरवठा करण्यात आला आहे. हिवाळे येथे वैद्यकीय अधिकारी डॉ. कदम, सुपरवायझर आयनोडकर, स्टाफ नर्स नीलम ठाकुर, बंडू चव्हाण, युवानेते बाबा आंगणे, सरपंच अंबाजी सावंत, पुरुषोत्तम खेडेकर, असगणी सरपंच हेमंत पारकर, सचिन परब, पंकज वर्दम, बबन परब, गोटय़ा गावडे, आशुतोष सावंत, सुभाष धुरी, नीतेश खेडकर आदी उपस्थित होते.
