नवी दिल्ली : कोरोना महामारी आणि लॉकडाऊन या घटनांमुळे स्मार्टफोन विक्री मोठय़ा प्रमाणात प्रभावीत झाल्याचे पहावयास मिळाले आहे. देशव्यापी लॉकडाऊनने तर स्मार्टफोनचा बाजार निम्म्यावर आणला आहे. परंतु ही स्थिती असली तरी दुसऱया बाजूला मात्र चायना ब्रँड विवो आणि शाओमी स्मार्टफोन बाजाराच्या हिस्सेदारीमध्ये अव्वल स्थानी राहिल्याची नोंद करण्यात आली आहे. वित्त वर्ष 2020 च्या दुसऱया तिमाहीत स्मार्टफोन शिपमेंट 48 टक्क्मयांनी घटून 17.3 दशलक्ष युनिट्वर राहिली असल्याची माहिती मार्केट ऍनालिस्ट रिसर्च फर्म कॅनालिस यांनी दिली आहे. तर पहिल्या तिमाहीत हा आकडा 12 टक्क्मयांनी वाढून 33.5 दशलक्ष युनिट्वर राहिला आहे. उपलब्ध अहवालानुसार लॉकडाऊनच्या दरम्यान स्मार्टफोन कंपन्या व विपेत्यांना मोठय़ा प्रमाणात अडचणांचा सामना करावा लागला असल्याचे सदर अहवालात म्हटले आहे. याच दरम्यान एका बाजूला उत्पादनात झालेली घट, दुसऱया बाजूला ऑनलाइन आणि ऑफलाईन रिटेलर्स यांनाही फोन विक्रीस मनाई करण्यात आली होती यामुळेच ही परिस्थिती निर्माण झाल्याचे म्हटले आहे. स्मार्टफोन बाजार घटून निम्म्यावर आला असला तरीही चिनी ब्रँड शाओमी सर्वोच्च स्थानावर राहिला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
