स्काऊट-गाईडचे कार्य कोरोना काळातही कौतुकास्पद

नंदगड : कोरोना रोगाचे थैमान असतानाही एसएसएलसी परीक्षेमध्ये स्काऊट आणि गाईडनी उत्तम कामगिरी बजावली. कोरोनाचे नियम पाळून परीक्षा यशस्वी पार पडली. याची दखल देशभरातील अनेक राज्यांनी तसेच सर्वोच्च न्यायालयाने घेतली. त्यामुळे स्काऊट गाईडचे अभिनंदन करावे तेवढे कमीच आहेत. या पुढेही स्काऊट गाईड्सनी चांगली सेवा बजावावी व कौतुकाची थाप अशीच मिळवावी, असे गौरवोद्गार कर्नाटक राज्याचे शिक्षणमंत्री सुरेश कुमार यांनी काढले. नंदगड येथील क्रांतिवीर संगोळ्ळी रायण्ण्णा सैनिक शाळेच्या आवारात स्काऊट व गाईडच्या कार्यक्रमात सहभाग दर्शवून ते बोलत होते. यावेळी तोपिनकट्टी महालक्ष्मी ग्रुपचे संस्थापक विठ्ठल हलगेकर यांच्यासह स्काऊट गाईडचे वरि÷ व शिक्षण खात्याचे अधिकारी उपस्थित होते.