नावात काय आहे असं म्हणतात. पण नावात बरच काही असतं हे देखील खरं आहे. आपण आपल्या सहवासातील माणसांना कोणत्या नावाने हाक मारतो यावर त्याच्याशी आपलं काय नातं आहे ते समजत असतं.
मित्रमंडळींच्या कंपूत अशी खास नावं असतात की त्या नावाचे सिक्रेट हे त्यांनाच माहित असतं. प्रेमाच्या दुनियेतही अशी खास नावं असतात ती इतर कुणाला माहित नसतात. या नावाने एकमेकांना बोलवलं जातं हे तर माहितीच असेल पण अशी सिक्रेटवाली नावं फोनमध्ये सेव्ह केली जातात आणि त्यातूनही रोमान्स जपता येतो. अभिनेत्री अभिज्ञा भावे हिनेही तिचा नवरा मेहुलला एक खास नाव दिले आहे, ज्या नावाने ती त्याला हाक तर मारतेच पण सध्या तिला नवऱयाचा फोन आला की क्रिनवर ऍपल असं नाव येतं. आता मेहुलचा ऍपल कसा झाला हे पण अभिज्ञाने सोशल मीडिया पेजवर शेअर केलं आहे. ‘तुला पाहते रे’ मालिकेतील मायरा, खुलता कळी खुलेना या मालिकेतील मोनिका, रंग माझा वेगळा या मालिकेतील तनुजा अशा खलनायिका साकारूनही चाहत्यांच्या प्रेमाची जिच्यावर बरसात झाली, त्या अभिज्ञा भावेने तिचा खास मित्र मेहुल पै याच्यासोबत लग्न केले आहे. लग्नानंतर अभिज्ञाने दोघांच्या नावाचे आद्याक्षर असलेले मंगळसूत्र बनवून घेतले त्या मंगळसूत्राचीही खूप चर्चा झाली. आता अभिज्ञा पुन्हा एकदा सोशल मीडिया पेजवर चर्चेत आली आहे. ती तिने तिच्या फोनमध्ये मेहुलचे नाव ऍपल असे सेव्ह केल्याने. अभिज्ञाने मेहुलसोबत एक रोमँटिक फोटो शेअर करत माझा ऍपल अशी कॅप्शन दिली होती. अभिज्ञानेच त्याचे कारणही सांगितले. अभिज्ञा म्हणाली, एक नातं जेव्हा तुटते आणि पुन्हा आपण नव्याने आयुष्य सुरू करण्याचा विचार करतो तेव्हा तुम्हाला भेटलेली व्यक्ती समजून घेणारी असावी असं वाटत असतं. माझ्या आयुष्यात मी एकदा ठोकर खाल्यावर मेहुल जेव्हा माझ्या आयुष्यात आला तेव्हा मला खूप आनंद झाला. मेहुलची बायको म्हणून वावरताना तो किती समजूतदार आहे याची जास्त जाणीव झाली. तो स्वभावाने इतका गोड आहे की मी अगदी त्याला सहजपणे? ऍपलची उपमा दिली. खरच तो सफरच्दांसारखा आहे. मग काय मी त्याला ऍपल अशीच हाक मारते. इतकेच नव्हे तर जेव्हा तो फोन करतो तेव्हा क्रिनवर मिस्टर ऍपल असे दिसते. प्रेमातल्या या छोटय़ा छोटय़ा गोष्टींचा आनंद मला या ऍपल पै ने दिल्या आहेत.
अभिनयासोबत अभिज्ञा साडी डिझायनर आहे. अभिनेत्री तेजस्विनी पंडीत हिच्यासोबत अभिज्ञाचा तेजाज्ञा हा साडी डिझायनिंग फॅशन ब्रँडचा व्यवसाय जोमात आहे.
