शहरात 36 पॉझिटिव्ह, तर 14 कोरोनामुक्त
प्रतिनिधी / सोलापूर
सोलापूर शहरात कोरोना पॉझिटिव्ह रुग्ण कमी आढळत असले तरी शहराने गुरुवारी 10 हजार कोरोना पॉझिटिव्ह रुग्णांचा टप्पा ओलांडला आहे. गुरुवारी नव्याने 36 कोरोना पॉझिटिव्ह रुग्ण आढळले. तर उपचार घेऊन बरे झाल्याने 14 जणांना घरी सोडण्यात आले असल्याची माहिती मनपा आयुक्त पी. शिवशंकर यांनी गुरुवारी दिली.
सोलापूर शहरात गुरुवारी 817 जणांचे अहवाल प्राप्त झाले. त्यातील 36 जणांचे अहवाल पॉझिटिव्ह तर 781 जणांचे अहवाल निगेटिव्ह आले. 36 पॉझिटिव्ह रुग्णांमध्ये 25 पुरुष तर 11 स्त्रियांचा समावेश आहे. शहरातील एकूण कोरोना बाधित रुग्णांची संख्या 10043 झाली आहे.
-एकूण तपासणी केलेल्या व्यक्ती : 111291
-शहरातील पॉझिटिव्ह रुग्णांची माहिती : 10043
-प्राप्त तपासणी अहवाल : 111170
-प्रलंबित तपासणी अहवाल : 121
-निगेटिव्ह अहवाल : 101127
-आजपर्यंत एकूण मृतांची संख्या : 557
-रुग्णालयात दाखल असलेल्या बांधितांची संख्या : 487
-रुग्णालयातून बरे होऊन घरी गेलेल्या बाधितांची संख्या : 8999
