प्रतिनिधी / करमाळा
करमाळा तालुक्यातील कोंढेज येथील तलावाच्या पाणी पुजनाच्या कारणावरून दोन गटात मारामारी झाली. यात पाच जणांविरुद्ध करमाळा पोलिसात गुन्हा दाखल झाला आहे.
माजी आमदार नारायण पाटील यांचे चिरंजीव पृथ्वीराज पाटील यांच्यासह पाच जणांवर काल, शुक्रवारी (दि.8) गुन्हा दाखल झाला आहे. याप्रकरणी कोंढेज येथील येथील पांडुरंग विष्णू फाटके यांनी करमाळा पोलिसात फिर्याद दिली आहे.
कोंढेज येथील तलावात दहिगाव उपसासिंचन योजनेतून पाणी आले आहे. हा तलाव अजून पूर्ण भरलेला नाही. या तलावाच्या पाणी पूजनावरुन दोन गटात हा वाद झाला. तलाव अजून भरलेला नाही. पूर्ण तलाव भरल्यानंतर पाण्याचे पूजन करावे, अशी एका गटाचे म्हणणे होते. तर दुसऱ्या गटाचे कार्यकर्ते पाणी पूजन करण्यासाठी गेले होते. पाणी पूजन करायला गेलेल्या गटाला अडवल्याने हा वाद झाला व यांच्यात तुफान हाणामारी झाली. माजी आमदार नारायण पाटील यांचे चिरंजीव पृथ्वीराज पाटील यांच्यावर गुन्हा दाखल झाल्याने सध्या करमाळा तालुक्यात जोरदार चर्चा सुरु आहे.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
