जिल्ह्यातील मतदान केंद्रावर चुरशीने मतदान
दुपारी विविध केंद्रावर रांगेत उभे राहून मतदान करण्यासाठी गर्दी
तरुण भारत संवाद प्रतिनिधी / सोलापूर
विधान परिषदेच्या पुणे पदवीधर व शिक्षक मतदार संघासाठी सोलापूर जिल्ह्यात चुरशीने मतदान सुरू असून दुपारी 12 ते 2 या कालावधीत पदवीधरांसाठी 36.94 टक्के तर शिक्षकांसाठी 60.60 टक्के मतदान झाले आहे. दुपारच्या सत्रात शहर जिल्ह्यातील मतदान केंद्रावर मतदारांची गर्दी दिसून आली.
पदवीधर मतदारसंघासाठी सोलापूर जिल्ह्यात एकूण मतदान केंद्र 123 आहेत या निवडणुकीत पुरुष पदवीधर मतदार 42 हजार 70 तर स्त्री पदवीधर मतदार संख्या 11 हजार 742 एवढी आहे. दुपारी 12 या कालावधीत 16 हजार 765 पदवीधर पुरुषांनी तर 3115 एवढ्या महिला पदवीधर मतदारांना मतदानाचा हक्क बजावला असून एकूण 32001 मतदारांनी मतदान केले तर 36.94 टक्के मतदान झाले तर शिक्षक मतदार संख्या 13 हजार एवढी असून दुपारी 6798 पुरुष शिक्षकांनी मतदारांनी तर 1234 महिला शिक्षक मतदारांनी मतदानाचा हक्क बजावला. 8232 एवढ्या शिक्षक मतदारांनी मतदानाचा हक्क बजावला आहे. या मतदानाची टक्केवारी 60.60 एवढी आहे.
