प्रतिनिधी / सोलापूर
सोलापूर जिल्ह्यातील ग्रामीण व नागरी क्षेत्रात शुक्रवारी तब्बल 368 कोरोना पॉझिटिव्ह रुग्ण आढळले. उपचारादरम्यान 11 रुग्णांचा मृत्यू झाला. तर उपचार घेऊन बरे झाल्याने तब्बल 344 रुग्णांना घरी सोडले असल्याची माहिती जिल्हा आरोग्य अधिकारी डॉ. बी. टी. जमादार यांनी शुक्रवारी दिली.
सोलापूर जिल्ह्यातील ग्रामीण व नागरी क्षेत्रात शुक्रवारी 2372 जणांचे अहवाल प्राप्त झाले. त्यातील 368 जणांचे अहवाल पॉझिटिव्ह तर 2004 जणांचे अहवाल निगेटिव्ह आले. 368 पॉझिटिव्ह रुग्णांमध्ये 235 पुरुष आणि 133 स्त्रियांचा समावेश आहे. जिल्ह्यातील ग्रामीण व नागरी क्षेत्रात एकूण कोरोना बाधित रुग्णांची संख्या 25802 झाली आहे.
-एकूण तपासणी केलेल्या व्यक्ती : 190730
-ग्रामीण भागातील पॉझिटिव्ह रुग्णांची माहिती : 25802
-प्राप्त तपासणी अहवाल : 190645
-प्रलंबित तपासणी अहवाल : 86
-निगेटिव्ह अहवाल : 164842
-आजपर्यंत एकूण मृतांची संख्या : 699
-रुग्णालयात दाखल असलेल्या बांधितांची संख्या : 6083
-रुग्णालयातून बरे होऊन घरी गेलेले बाधितांची संख्या : 19021
