एकूण कोरोनाबाधित रुग्णांची संख्या 1997 वर
तरुण भारत संवाद प्रतिनिधी/सोलापूर
सोलापुरात आज, बुधवारी महानगरपालिका क्षेत्रात 25 कोरोना बाधित रुग्ण वाढले आहेत. यामध्ये 12 पुरुष, 13 स्त्रियांचा समावेश आहे. तर 6 जणांचा मृत्यू झाला असून यामध्ये चार पुरुष आणि 2 स्त्री यांचा समावेश आहे. सोलापूर शहरातील कोरोनाबाधित मृतांची संख्या 224 वर पोहोचली आहे. उर्वरित 714 रुग्ण सिव्हिल रुग्णालयात दाखल असल्याची माहिती मनपा आयुक्त पी. शिवशंकर यांनी दिली.
सोलापुर शहरात 148 जणांचे अहवाल प्राप्त झाले. त्यातील 25 जणांचे अहवाल पॉझिटीव्ह तर 123 जणांचे अहवाल निगेटिव्ह आले. शहरातील एकूण कोरोना बाधित रुग्णांची संख्या 1997 झाली आहे. तसेच उपचारादरम्यान 6 जणांचा मृत्यू झाला. आतापर्यंत रुग्णालयातून बरे होऊन 1059 व्यक्ती घरी गेले आहेत.
एकूण तपासणी केलेल्या व्यक्ती : 10888
सोलापूर शहरातील पॉझिटिव्ह रुग्णांची माहिती : 1997
-आजपर्यंत एकूण मृतांची संख्या : 224
-रुग्णालयात दाखल असलेल्या बांधितांची संख्या : 714
-रुग्णालयातून बरे होऊन घरी गेलेले बाधितांची संख्या : 1059
-प्राप्त तपासणी अहवाल : 10888
-प्रलंबित तपासणी अहवाल : 00
-निगेटिव्ह अहवाल : 8891
