सोमवारी 15,785 नवे रुग्ण : 146 जणांचा बळी

बेंगळूर : कोरोनाचा प्रादुर्भाव झपाटय़ाने वाढत असून राज्यात सोमवारी 15,785 नव्या रुग्णांची नोंद झाली आहे. तर दिवसभरात 146 रुग्णांचा बळी गेला तर 7,098 जणांनी कोरोनावर मात केली आहे. राज्यात मागील चोवीस तासांमध्ये 1,23,212 कोविड चाचण्या करण्यात आल्या. त्या तुलनेत पॉझिटिव्ह अहवाल येण्याचे प्रमाण सोमवारी 12.81 टक्के होते. राज्यात आतापर्यंत एकूण 11,76,850 कोरोना रुग्णांची नोंद झाली आहे. त्यापैकी 10,21,250 जण संसर्गमुक्त झाले आहेत. तर एकूण 13,497 जण दगावले आहेत. सध्या उपचारातील रुग्णसंख्या 1,42,084 इतकी आहे.