ऑनलाईन टीम / श्रीनगर :
जम्मू-काश्मीरमधील सोपोरमध्ये गस्त घालणाऱ्या सीआरपीएफच्या पथकार दहशतवाद्यांनी हल्ला केला. या हल्ल्यात एक जवान शहीद झाला असून, तीन जण जखमी झाले आहेत.
मागील काही दिवसांपासून काश्मीर खोऱ्यात दहशतवादी कारवाया वाढल्या आहेत. पाकिस्तानकडूनही अनेकदा घुसखोरी आणि शस्त्रसंधीचे उल्लंघन केले जात आहे. आज सीआरपीएफच्या पथकावर हल्ला होताच अतिरिक्त सुरक्षा दलाची टीम घटनास्थळी दाखल झाली. संबंधित परिसराला सुरक्षा दलाने घेराव घातला असून, शोधमोहीम सुरू आहे.
जखमींवर रुग्णालयात उपचार सुरू असून, दोघांची प्रकृती चिंताजनक असल्याचे सांगण्यात येते.
