वृत्तसंस्था / नवी दिल्ली :
जून महिन्यात सोने आयातीत 86 टक्क्मयांची घसरण झाली आहे. किंमतीत वाढ, लॉकडाऊनच्या काळात सोन्यांची दुकाने आणि आंतरराष्ट्रीय हवाई मार्ग बंद ठेवण्यात आल्याच्या कारणामुळे ही घसरण झाली आहे. तसेच अन्य देशांच्या तुलनेत भारत हा सोने आयातीत सर्वात मोठा खरेदीदार देश असल्याची माहिती सरकारी सुत्रांनी दिली आहे.
देशामध्ये मागील महिन्यात 11 टन सोने आयात झाले आहे. एक वर्षाच्या अगोदर समान कालावधीत देशांमध्ये 77.73 टन सोने आयात करण्यात आले होते. परंतु यावेळेला सोने आयात 20,364 कोटी रुपयांनी घटून 4,591 कोटीवर राहिली आहे. अमेरिका आणि चीन यांच्यातील तणावामुळे जागतिक अर्थव्यवस्थेच्या अडचणींमध्ये वाढ होत आहे. यासोबतच वाढती महागाई आणि मागणीतील घट यांचाही परिणाम सोने व्यापारावर होत असल्याची माहिती देण्यात आली आहे.
