कोकरूड/प्रतिनिधी
सोनवडे ता. शिराळा येथील बस स्टॉपवर, एसटीवर सकाळी साडे दहाच्या सुमारास अज्ञात व्यक्तींनी दगडफेक केली असून याबाबतचा गुन्हा पोलिसात दाखल करण्यात आला आहे.
याबाबत कोकरूड पोलिसांकडून मिळालेली माहिती अशी की सोनावडे येथील सिद्धार्थनगर बस स्टॉपवर सकाळी १०.३० वाजण्याच्या सुमारास शिराळा आगाराची मणदूर-इस्लामपूर गाडी क्रमांक MH४० AQ ६३०१ ही एसटी मणदूरहुन येत होती. यावेळी सोनावडे येथे आली असता गाडीवरती अज्ञात व्यक्तींनी दगडफेक केली. यामध्ये एसटीचे नुकसान झाले असून कोणत्याही प्रकारची जीवितहानी झालेली नाही. या घटनेची नोंद कोकरूड पोलिसात झाली असून तक्रार चालक राहुल भगवान माळी रा. रेठरे धरण यांनी दिली आहे.
