सातारा / प्रतिनिधी :
वाई येथील सोनगिरवाडीमध्ये एकाने घरा शेजारी असलेल्या शेडमध्ये गळफास घेऊन आत्महत्या केल्याची घटना सोमवारी (दि.13) दुपारी 3 वाजता घडली. शकील खुदब्बुद्दीन बागवान (वय 50) असे मृताचे नाव आहे.
पोलिसांनी दिलेली माहिती अशी की, जमीर खुदब्बुद्दीन बागवान याने दिलेल्या फिर्यादीवरून शकील बागवान यांनी घराशेजारी असलेल्या शेडमध्ये लोखंडी अँगलला दोरीने गळफास लावून आत्महत्या केली. आत्महत्येचे कारण अद्याप समजू शकले नाही. वाई पोलीस ठाण्यात या घटनेची नोंद झाली असून पोलीस नाईक गहीन तपास करत आहेत.
