दोडामार्ग – वार्ताहर-
वझरे येथील सेसा कोक कंपनीच्या वतीने वझरे गावातील भात उत्पादक शेतकऱ्यांच्या थेट बांधावर जाऊन खत उपलब्ध करून दिले. गावातील शेतकऱ्यांना अशीच वेळोवेळो मदत करत राहू असेही यावेळी कंपनीच्या वतीने स्पष्ट करण्यात आले.
यावेळी सेसा कोक मधील आशिष पिळणकर, उमेश खडे उपस्थित होते. वझरेचे सरपंच लक्ष्मण गवस यांनी तसेच उपस्थित ग्रामस्थ – शेतकरी यांनीही कंपनीचे आभार मानले. कृषी सहाय्यक एस. एस. मोरे, कृषी मित्र समीर म्हावस्कर, आनंद गवस, भगवंत गवस आदि उपस्थित होते. कंपनीतर्फे तब्बल 60 शेतकऱ्यांना खत वाटप करण्यात आले.
