ऑनलाईन टीम / नवी दिल्ली :
राष्ट्रपतींच्या अभिभाषणावर बोलताना पंतप्रधान नरेंद्र मोदी यांनी काँग्रेसचे माजी अध्यक्ष राहुल गांधी यांनी केलेल्या विधानालाही आपल्या भाषणातून खरपूस उत्तर दिले. सहा महिन्यात सूर्यनमस्कार करून स्वतः दंडाप्रुफ करून घेईल.
दरम्यान, दिल्ली विधानसभा निवडणुकीचा प्रचार सध्या आहे. काँग्रेस उमेदवाराच्या प्रचारार्थ राहुल गांधी यांनी घेतलेल्या एका सभेत बोलताना ‘तरुण-तरुणी सहा महिन्यांत दांडय़ांनी मारतील’ असं म्हटलं होतं.
मोदी म्हणाले, तरुण मोदींना दांडय़ांनी मारतील, असं एका काँग्रेस नेत्याने म्हटलं असं मी ऐकलं. मात्र, हे काम थोड अवघड आहे. त्यासाठी सहा महिने तयारी करावी लागेल. त्यामुळे पुढील सहा महिन्यात सूर्यनमस्कारांची संख्या वाढवण्याचं मी सुद्धा असं ठरवलं आहे. सहा महिन्यात अशी मेहनत करणार की, माझ्या पाठीला प्रत्येक दांडय़ाचा वार सहन करण्याची ताकद मिळेल, असा टोला मोदींनी लावला.
