पुसेगाव / वार्ताहर :
पुसेगाव पोलिसांनी खटाव तालुक्यातील शिंदेवाडी (ललगुण) येथील तळे नावाच्या शिवारात रविवारी छापा टाकून जुगार खेळणाऱ्या 9 जणांविरुद्व गुन्हा नोंदविला. या कारवाईत चार मोबाईल फोन, जुगाराचे साहित्य, पाच दुचाकी व रोख रक्कम असा एकूण 1 लाख 73 हजार 120 रुपये किंमतीचा मुद्देमाल हस्तगत करण्यात आला आहे.
शिंदेवाडी येथील तळे नावाच्या शिवारात विजय जयसिंग भोसले (रा.अनपटवाडी) यांच्या मालकीच्या आंब्याच्या झाडाखाली जुगार खेळला जात असल्याची माहिती पोलिसांना मिळाली. या माहितीवरून सहाय्यक पोलिस निरीक्षक चेतन मछले यांच्या मार्गदर्शनाखाली पोलिस उपनिरीक्षक बाळासाहेब लोंढे, पोलीस शिपाई ज्ञानेश्वर यादव, मुंडे, मुल्ला, मुंडे यांनी छापा टाकला. याप्रकरणी सर्व आरोपींविरुद्ध पुसेगाव पोलिस ठाण्यात मुंबई जुगार कायद्याखाली गुन्हा दाखल करण्यात आला आहे.
