प्रतिनिधी / सातारा
भाजपाचे मंदिर उघडा आंदोलन सातारा जिल्हाध्यक्ष विक्रम पावसकर यांच्या मार्गदर्शनाखाली सातारा शहरात करण्यात आले. हे आंदोलन सिद्धी मारुती मंदिर राजवाडा, नवदुर्गा अंबामाता मंदिर मोळाचा ओढा, समर्थ मंदिर, कुबेर विनायक मंदिर, हनुमान मंदिर सदर बझार, तुळजाभवानी मंदिर, काळाराम मंदिर, मारुती मंदिर झेंडा चौक करंजे, शनि मारुती मंदिर, शाहूनगर दत्त मंदिर, शाहूपुरी दत्त मंदिर या ठिकाणी आंदोलन करण्यात आले. सर्व ठिकाणची आंदोलने झाल्यावर आनंदवाडी दत्त मंदिर येथे एकत्र येऊन, लाक्षणिक उपोषण करून, घंटानाद करत आंदोलनाची समाप्ती करण्यात आली.
यावेळी कार्यकर्त्यांनी दार उघड उद्धवा दार उघड, मंदिरे उघडलीच पाहिजेत मदिरालये उघडली मंदिरे बंद का?, प्रार्थनास्थळे मोकळी झालीच पाहिजेत, मंदिर बंद उघडे बार, उद्धवा अजब तुझे धुंद सरकार या प्रकारच्या घोषणा दिल्या आणि हातात फलक घेतले होते.
भाजपचे सातारा शहराध्यक्ष विकास गोसावी यांच्या नेतृत्वाखाली झालेल्या आंदोलनात विठ्ठल बलशेटवार, अमोल सणस, ॲड प्रशांत खामकर, राहुल शिवनामे, नगरसेवक धनंजय जांभळे, शहर सरचिटणीस जयदीप ठुसे, विक्रांत भोसले,प्रवीण शहाणे, सुनिशा शहा, शैलेंद्र कांबळे, रीना भणगे, वैष्णवी कदम, डॉ. उत्कर्ष रेपाळ, डॉ. सचिन साळुंखे, प्रशांत जोशी, वसंतशेठ जोशी, विवेक कदम, निलेश शहा, दीपक क्षीरसागर, चंदन घोडके, प्रदीप मोरे, नितीन कदम, रवि आपटे नितीन जाधव, लखन चव्हाण, नजमा बागवान, विक्रम बोराटे, मंदिरांचे पुजारी, पदाधिकारी आणि कार्यकर्ते उपस्थित होते.
