वाई / प्रतिनिधी
वाई शहरातील व्यापारी व भाजी विक्री करणाऱ्यांना दिवाळीच्या पार्श्वभूमीवर स्वाब तपासणी करण्यात यावी अशी नोटीस वाई पालिकेच्यावतीने देण्यात आली होती.त्याच अनुषंगाने मुख्याधिकारी विद्या पोळ यांच्यासोबत बैठक पार पडली होती.त्यानुसार वाई मंडईतील पहिल्या दिवशी106 भाजी विक्री करणाऱ्या विक्रेत्यांनी अँटीजेन टेस्ट केली.सर्वांची टेस्ट निगेटिव्ह आली. तर दुसऱ्या दिवशी 102 जणांची टेस्ट केली.त्यांचे ही रिपोर्ट निगेटिव्ह आले.या टेस्ट शिवसेना भवनात करण्यात आल्या.वाई भाजी विक्री संघटनेचे मार्गदर्शक साचिन फरांदे, हेमंत येवले, अजित वनारसे, उमेश शहा, अशोक लोखंडे, संतोंष जमदाडे, युसूफ बागवान, ऋषिकेश नेवशे, रफिक शेख या सर्वानी पारिश्रम घेतले. वाई शिवसेना शहरप्रमुख किरण खामकर यांनी सहकार्य केले.
