वाठार किरोली / वार्ताहर :
जिल्हा परिषदेच्या बेघरवस्ती (रहिमतपूर) येथील प्राथमिक शाळेची माहिती पुस्तिका व शाळेतील नाविन्यपूर्ण उपक्रम कौतुकास्पद असल्याचे महाराष्ट्र राज्याचे जलसंपदा मंत्री जयंत पाटील यांनी येथील कार्यक्रमात सांगितले.
समारंभात राज्याचे जलसंपदा मंत्रीजयंत पाटील, सहकार मंत्री बाळासाहेब पाटील, समाज कल्याण विभागाचे सहाय्यक आयुक्त नितीन उबाळे यांना जिल्हा परिषद प्राथमिक शाळा बेघरवस्ती रहिमतपूरचे मुख्याध्यापक प्रविण घाडगे यांनी शाळेची माहिती पुस्तिका देवून शाळेत राबविण्यात येत असल्याचे नाविन्यपूर्ण उपक्रमांची माहिती दिली.
यावेळी जयंत पाटील यांनी सध्याच्या कोरोना कालावधी त शाळेत सुरु असलेल्या ऑनलाईन फोन व व्हाट्सॲपवरून शिक्षणाबद्दल माहिती घेतली व शाळेतील उपक्रमांचे कौतुक कैले.यावेळी सातारा जिल्हा मध्यवर्ती बँकेचे उपाध्यक्ष सुनील माने, रहिमतपूरचे नगराध्यक्ष आनंदा कोरे व नगरसेवक शाळा व्यवस्थापन समितीचे अध्यक्ष सागर खवळे, सातारा जिल्हा परिषदेच्या शिक्षण समितीचे तज्ञ सदस्य रुपेश जाधव आदी उपस्थित होते.
