प्रतिनिधी / सातारा
अनेवाडी आणि तासवडे या दोन टोल नाक्यावर जिल्ह्यातील वाहनांना टोल बंद करावा या मागणीसाठी रिपाईच्या वतीने आंदोलन करण्यात आले. जिल्हाध्यक्ष अशोक बापू गायकवाड यांच्या नेतृत्वाखाली जिल्हाधिकारी कार्यालयासमोर हे आंदोलन करण्यात आले. यावेळी आंदोलनकर्त्यांनी बंद करा.. बंद करा, टोल नाका बंद करा अशा घोषणा देत जोरदार निदर्शने केली. या आंदोलनात जिल्ह्यातून रिपाईचे कार्यकर्ते मोठ्या संख्येने सहभागी झाले होते. यावेळी आंदोलनस्थळी मोठा पोलिस फाटा तैनात करण्यात आला होता.
