तिघांना अटक, साडेतीन लाखांचा मुद्देमाल जफ्त, स्थानिक गुन्हा अन्वेषणची कारवाई
प्रतिनिधी / मिरज
मिरज-पंढरपूर रस्त्यावर तानंग फाटा ते मालगांव रस्त्यावर पिस्तूल विक्रीसाठी आलेल्या तिघा तरुणांना स्थानिक गुन्हा अन्वेषण विभागाच्या पोलिसांनी अटक केली आहे. त्यांच्याकडून देशी बनावटीचे तीन पिस्तूल व एक चारचाकी गाडी असा सुमारे साडेतीन लाख रुपयांचा मुद्देमाल जफ्त करण्यात आला आहे.
अटक करण्यात आलेल्या तरुणांमध्ये गौस उर्फ निहाल गफार मोमीन (वय 23, रा. आझाद कॉलनी, इदगांह माळ, मिरज), सुरज विश्वास हात्तेकर (वय 29, रा. दत्त कॉलनी, इंदिरानगर, मिरज) आणि तौफिक ख्वॉजा शेख (वय 21, रा. माजी सैनिक वसाहत, मिरज) यांचा समावेश आहे.
