वार्ताहर / माडग्याळ
माडग्याळ (ता.जत) येथील कापड दुकानदार शिवानंद सिद्रम कोरे यांचे राहते घर फोडून रोख रक्कम व सोने चांदिचे दागिने आशी पाच लाख रूपयांचा मुद्देमाल चोरट्यांनी लंपास केला आहे. याबाबत अधिक माहिती अशी कि, आज दुपारी एकच्या सुमारास चोरट्यानी शेतातील बंद घराचे कुलुप तोडून कपाटात ठेवलेले दोन लाख रूपये रोख व चाळीस ग्रॅम सोने,व चांदी असे मिळुन पाच लाख रूपये मुद्देमाल चोरट्यांनी चोरून नेल्याची घटना घडली आहे.
शिवानंद कोरे हे माडग्याळ अंकलगी रस्त्यावर कोरेवस्ती येथे राहण्यासाठी आहेत माडग्याळ गावापासून पासुन २ किमी अंतरावर त्यांचे घर आहे. शिवानंद सिद्राम कोरे यांच्या शेतातील बंद घराचे कुलुप चोरट्यानी तोडून घरातील कपाटामध्ये घराच्या बांधकामासाठी आणुन ठेवलेले दोन लाख रूपये व गावातील अंबाबाई मंदिराचे सोन्याची दागिने त्यांच्याजवळ ठेवण्यासाठी दिलेले चाळीस ग्रॅम सोने चोरट्यानी कपाट फोडुन मुद्देमाल लपांस केला आहे.
आज शुक्रवार माडग्याळ गावचा बाजार असल्याने घरातील सर्वजण बाजारात गेले होते याचाच फायदा घेऊन चरट्यानी डाव साधला आहे. दुपारी बाजार करून घरातील मंडळी शेताकडे गेले तेव्हा हा प्रकार उघडकीस आला. घटनेची माहीती उमदी पोलिसाना देण्यात आले असुन उमदीचे सहा पोलिस निरिक्षक दत्तात्रय कोळेकर घटनास्थळी भेट देऊन पाहणी केली असून सांगलीवरून श्वान पथकाला पाचारण करण्यात आले आहे.
एक संशयित ताब्यात
दरम्यान एका वयक्तीस संशयीत म्हणुन ताब्यात घेऊन पोलिस अधिक तपास करीत आहेत. काल रात्री एक पानाडयाचा मुकाम त्यांच्या घरी होता तो सकाळी उटुन गावी गेला हेाता मात्र फोनवरून बोलताना गडबडल्याने संशयीत म्हणून त्याला ताब्यात घेऊन त्याची पोलिस कसुन चौकशी करीत आहेत.
