प्रतिनिधी/सांगली
सांगली, मिरज आणि कुपवाड महापालिकेचे माजी महापौर विद्यमान नगरसेवक हारुणभाई शिकलगार यांचे बुधवारी सायंकाळी निधन झाले. त्यांच्यावर मिरज येथील मिशन हॉस्पिटल मध्ये उपचार सुरू होते.
श्वसनाचा त्रास सुरू झाल्याने शिकलगार यांना मंगळवारी हॉस्पिटल मध्ये दाखल करण्यात आले होते. त्यांच्यावर अतिदक्षता विभागात उपचार सुरू होते. अखेर बुधवारी त्यांची प्राणज्योत मालवली. शिकलगार माजी मंत्री मदन पाटील यांचे कट्टर कार्यकर्ते होते. महापालिकेचे महापौरपद त्यांनी भूषविले होते.
