प्रतिनिधी/सांगली
धनगर समाजाचा अनुसूचित जमाती मध्ये समावेश करावा या मागणीसाठी समस्त धनगर समाजाच्या वतीने आज, शुक्रवारी जिल्हाधिकारी कार्यालयासमोर ‘ढोल बजाव सरकार जगाव’ आंदोलन करण्यात आले. यावेळी धनगरी ढोल वाजवून जोरदार घोषणाबाजी करण्यात आली.
यावेळी या आंदोलनात माजी महापौर संगीता खोत, माजी उपमहापौर धीरज सूर्यवंशी ,नगरसेवक गजानन आलदर जयनगर, प्रकाश ढंग, नगरसेविका सविता मदने यांच्यासह धनगर समाजातील कार्यकर्ते सहभागी झाले होते. तर, भाजप प्रवक्ते आमदार गोपीचंद पडळकर यांनी धनगर आरक्षण प्रश्नी राज्यव्यापी आंदोलनाची हाक दिली.
