प्रतिनिधी / तासगाव
तासगाव तालुक्यात शनिवारी तीन गावात 10 कोरोनाबाधित रुग्ण सापडले तर तासगाव शहरात आठ दिवसानंतर पुन्हा कोरोनाबाधित रुग्ण सापडले आहेत. तालुक्यात आत्तापर्यंत 195 दिवसात कोरोनाबाधित रूग्णांची संख्या 3198 झाली आहे. शनिवारी तासगाव शहरात 8, सावळज, चिंचणी येथे प्रत्येकी एक असे एकूण 10 रूग्ण सापडले आहेत.
तालुक्यात शनिवारी 391 जणांची तपासणी केली असता 10 रूग्ण सापडले असून हे प्रमाण पूर्वीपेक्षा अत्यंत कमी आहे. तर तासगाव शहरात गेल्या 18 दिवसात फक्त दोन रूग्ण सापडले होते. शुक्रवार अखेर सलग आठ दिवस शुन्य रूग्ण असे दिलासादायक चित्र पाहवयास मिळाले. मात्र, शनिवारी पुन्हा आठ रूग्ण सापडले आहेत.
