227 कोरोनामुक्तः सांगली शहरात 111 वाढलेः वाळवा तालुक्यात 61 वाढले
प्रतिनिधी / सांगली
जिल्ह्यात सलग पाचव्या दिवशी कोरोनाने चार जणांचा बळी गेला आहे. तर शनिवारी नवीन 411 रूग्ण वाढले आहेत. सांगली शहरात 111 तर मिरज शहरात 47 रूग्ण वाढले आहेत. उपचार सुरू असणारे 227 रूग्ण कोरोनामुक्त झाले आहेत. तर सध्या उपचारात तीन हजार 565 रूग्ण आहेत.
महापालिका क्षेत्रात 158 रूग्ण वाढले.
महापालिका क्षेत्रात रूग्णसंख्या दिवसेंदिवस वाढतच चालली आहे. महापालिका क्षेत्रात सातत्याने रूग्ण वाढताना दिसून येत आहेत. शनिवारी सांगली शहरात तब्बल 111 तर मिरज शहरात 47 रूग्ण वाढले आहेत. महापालिका क्षेत्रात आजअखेर 18 हजार 651 कोरोनाबाधित रूग्ण आढळून आले आहेत. त्यातील 88 टक्के रूग्ण बरे झाले आहेत. तर उपचारातील रूग्णसंख्येचा आकडा वाढतच चालला आहे.
ग्रामीण भागात 253 रूग्ण वाढले
ग्रामीण भागात रूग्णसंख्येचा उद्रेक सुरू झाला आहे. प्रत्येक तालुक्यात रूग्णसंख्या वाढतच चालली आहे. ग्रामीण भागात तर 253 रूग्ण वाढले आहेत. त्यामध्ये वाळवा तालुक्यात सर्वाधिक असे 61 रूग्ण आढळून आले आहेत. आटपाडी तालुक्यात 16 रूग्ण वाढले आहेत. जत तालुक्यात 27, कवठेमहांकाळ तालुक्यात 12, मिरज तालुक्यात 28 तर शिराळा तालुक्यात 12 रूग्ण वाढले आहेत. कडेगाव तालुक्यात 18 तर खानापूर तालुक्यात 34 रूग्ण वाढले आहेत. पलूस तालुक्यात 25 तर तासगाव तालुक्यात 20 रूग्ण वाढले आहेत.
चार जणांचा मृत्यू
जिल्ह्यात सलग पाचव्या दिवशी उपचार सुरू असणाऱया चार रूग्णांचा मृत्यू झाला आहे. यामध्ये वाळवा तालुक्यातील एकाचा तर मिरज ग्रामीण मधील एकाचा मृत्यू झाला आहे. तासगाव आणि कडेगाव तालुक्यातील एकाचा मृत्यू झाला आहे. जिल्ह्यातत आजअखेर एक हजार 841 कोरोनाबाधितांचा मृत्यू झाला आहे. जिल्ह्यातचा मृत्यूदर 3.65 टक्के झाला आहे.
227 कोरोनामुक्त
जिल्ह्यात कोरोनाचे उपचार सुरू असणारे 227 रूग्ण कोरोनामुक्त झाले आहेत. आजअखेर जिल्ह्यातत 55 हजार 67 रूग्ण कोरोनाबाधित झाले आहेत. तर त्यातील 49 हजार 661 रूग्ण कोरोनामुक्त झाले आहेत.
नवे रूग्ण 411
उपचारात 3565
बरे झालेले 49661
एकूण 55067
मृत्यू 1841
शनिवारचे बाधित रूग्ण
तालुका रूग्ण
आटपाडी 16
कडेगाव 18
खानापूर 34
पलूस 25
तासगाव 20
जत 27
कवठेमहांकाळ 12
मिरज 28
शिराळा 12
वाळवा 61
सांगली शहर 111
मिरज शहर 47
एकूण 411
