प्रतिनिधी / जत
जत शहरातील शिवानुभव मंडप येथे धारदार शस्त्राचा धाक दाखवून घरातील सोने व चांदीचे दागिने व रोख रक्कम दोन लाख 42 हजार चा ऐवज अज्ञात चोरट्यांनी लुटला आहे . ही घटना शनिवारी पहाटे चार वाजण्याच्या सुमारास घडली आहे. याबाबतची फिर्याद सरिता विजय जाधव यांनी पोलिसात दिली आहे. घटनास्थळी पोलीस उपाधीक्षक रत्नाकर नवले पोलीस उपनिरीक्षक युवराज घोडके यांनी भेट दिली आहे.
घटनास्थळावरून मिळालेली माहिती अशी शनिवारी रात्री जाधव कुटुंबिय झोपले असता पहाटे 30 ते 35 वयोगटातील तोंडाला बुरखा बांधलेले तरुणांनी घरासमोर येऊन घराची बेल वाजवली.
यावेळी सरिता जाधव यांनी दरवाजा उघडला. समोरील अज्ञात चोरट्याना त्यांना पाहताच जाधव यांनी दरवाजा बंद करण्याचा प्रयत्न केला. परंतु चोरट्यांच्या हातात धारदार शस्त्रे होती. या शस्त्राचा धाक दाखवून घरातील कपाटातील सोन्याचे दागिने सुमारे एक लाख 72 हजार किमतींचा ऐवज जबरदस्तीने ताब्यात घेतला. तसेच कपाटातील रोख रक्कम एक लाख 72 हजार रुपयेची लूट केली असा एकूण 2 लाख 42 हजाराचा ऐवज चोरट्यांनी लंपास केला आहे. सदर घटनेचा तपास सहाय्यक पोलीस निरीक्षक महेश मोहिते करीत आहेत.
