कडेगाव : प्रतिनिधी
चिंचणी वांगी पोलिसांनी १२ वर्ष फरार आरोपीच्या मुसक्या आवळल्या. नव्या उर्फ नवनाथ लत्या काळे (रा कोकराळे, ता खटाव, जि सातारा) असे या आरोपीचे नाव आहे.
सांगली पोलीस अधीक्षक दीक्षित गेडाम, अप्पर पोलीस अधीक्षक मनीषा दुबुले यांनी पोलिस स्टेशन रेकॉर्ड वरील फरार आरोपी पकडण्याचे आदेश दिले होते. त्या अनुषंगाने चिंचणी वांगी पोलिस स्टेशन गुन्हा रजिस्टर क्रमांक 5/2008 भादंवि कलम 457, 380, 34 मधील 2009 पासून फरार असलेला आरोपी नव्या उर्फ नवनाथ लत्या काळे हा औंध परिसरात आल्याची गोपनीय बातमी मिळाल्यावरून उपविभागीय पोलीस अधीकारी . अंकुश इंगळे , चिंचणी वांगी पोलिस स्टेशनचे सहाय्यक पोलिस निरीक्षक संतोष गोसावी, psi शिंदे यांचे मार्गदर्शनाखाली तांत्रिक पुराव्यावरून, दि. २७/३/२१ रोजी रात्री ११.३९ वाचे सुमारास सापळा रचून त्यास पोलिस हवलदार अमर जंगम, पोलिस शिपाई. जगदीश मोहिते, राहुल कुंभार, सतीश पाटील यांनी औंध पोलिसांचे मदतीने 12 वर्षे फरार असलेल्या वरील आरोपीस औंध परिसरातून कडेगाव कोर्टच्या स्टँडिंग वॉरंट मध्ये अटक केलेली आहे. सदर आरोपी यांचेवर सांगली व सातारा जिल्हात खून, जबरी चोरी, दरोडा, मारामारी असे गुन्हे दाखल आहेत
