३ लाख ३२ हजारांचा मुद्देमाल जप्त
कुपवाड / प्रतिनिधी
मिरजेहुन पंढरपूरकडे जाणाऱ्या मुख्य रस्त्यालगत मरुधर ढाब्याच्या आडोशाला मोकळ्या जागेत खुलेआम सुरू असणाऱ्या तीनपानी जुगार अड्ड्यावर छापा टाकून कुपवाड पोलिसांनी जुगार अड्डाच उध्वस्त केला. या कारवाईत ७ जणांना अटक करून त्यांच्या ताब्यातील रोख रक्कमेसह मोबाईल व तीन ॲटो रिक्षा मिळून ३ लाख ३२ हजार २४० रुपयांचा मुद्देमाल पोलिसांनी जप्त करण्यात आला. काल, रविवारी रात्रीच्या सुमारास ही कारवाई केली.
अटक केलेल्यांमध्ये संशयित याकुब जहॉगीर बागवान (वय-४०), मन्सूर गुलाबहुसेन झारी (३२), इकबाल महमंद कोल्हापूरे (४०), शादाब सनाउल्ला कोल्हापूरे (२३), अजिमखान शम्मेखान पठाण ( ३५), हाफीज मुसा शेख (४१), यासिन नूरमहमंद कोल्हापूरे (३१,सर्व रा.ईदगाहनगर, मिरज) यांचा समावेश आहे.
