प्रेम विवाह केल्याच्या रागातून मेव्हण्यानेच केला खून
प्रतिनिधी / सांगली
मिरज तालुक्यातील कवठेपिरान येथे युवकांचा खून करण्यात आला. बहिणीशी प्रेम विवाह केल्याच्या रागातून मेहुणानेच हा खून केला आहे. मयताचे नाव ओंकार माने (वय. २२) असे आहे. हा खून संशयित निखिल सुधाकर सुतार (वय २१) याने केला असल्याची स्वतः कबुली सांगली ग्रामीण पोलिस ठाण्यात दिली आहे.
ओंकार माने याने निखील सुतारच्या बहिणीशी पळून जाऊन काही दिवसांपूर्वी प्रेम विवाह केला होता. त्यामुळे निखिल ओंकारवर चिडून होता, ओंकार सध्या गावात रहायला आला होता. त्यामुळे निखील आणखी चिडला आणि त्यातुन त्यांने हे कृत्य केले. शनिवारी रात्री चव्हाण वाड्याजवळ ओंकार थांबला होता. निखील तेथे आला. त्याने ओंकारवर धारदार हत्याराने पोटावर वार केला. हा वार वर्मी लागल्याने ओंकार याचा जागीच मृत्यू झाला.
