प्रतिनिधी / सांगली
सांगली शहरामध्ये महापुर येऊन एक महिना होऊन गेला. पण या कालावधीत कृष्णा नदीमध्ये आयर्विन पुलापासून जवळच असलेल्या बंधाऱ्या जवळजवळ बारा वृक्ष अडकलेले आहेत. याकडे पाटबंधारे विभागाचे दुर्लक्ष झाले आहे. बंधार्यात झाडे अडकल्यामुळे बंधाऱ्याला धोका निर्माण होऊ शकतो. पाटबंधारे विभागाने याची तातडीने दखल घेऊन बंधाऱ्यामध्ये अडकलेली झाडे ताबडतोब काढून टाकावीत अशी मागणी येथील गावभागातील विसावा मंडळाचे संजय चव्हाण यांनी केली आहे.
