प्रतिनिधी / सांगली
रविवारी नवीन 19 रुग्ण वाढले आहेत. तर पाच जण कोरोना मुक्त झाले आहेत. सांगलीच्या सिव्हिल हॉस्पिटल मधील ब्रदर चा सहकारी ही पॉझिटिव्ह आला आहे, तर पलूस तालुक्यातील दुधोंडी येथील राजकीय नेत्याच्या संपर्कतील एकाला कोरोनाची लागण झाली आहे.
पलूस तालुक्यातील पुणदी , जत तालुक्यातील बिळूर, तासगाव तालुक्यातील वाघापूर, वाळवा तालुक्यातील बावची, शिराळा तालुक्यातील ढाणेवाडी, निगडी येथील प्रत्येकी एक व्यक्ती बाधित आढळून आली आहे. तर शिराळा तालुक्यातील कोकरूड येथे दोन व्यक्ती बाधित आढळून आले आहेत.
शिराळा तालुक्यातील शिराळे खुर्द येथे एकाच दिवशी नऊ रुग्ण वाढले शिराळे खुर्द हे जिल्ह्यातील दुसरे कोरोना हॉटस्पॉट बनत चालले आहे यापूर्वी मणदूर हे हॉटस्पॉट बनले होते. रविवारी पाचजण कोरोना मुक्त झाले यामध्ये पलूस येथील दोघे, पुनवत, भाळवणी, निगडी, येथील प्रत्येकी एक व्यक्तीचा समावेश आहे.
