प्रतिनिधी/सांगली
मध्य रेल्वेच्या पुणे मिरज ते लोंढा या बहुचर्चित रेल्वे मार्गाचे दुहेरीकरण आणि विद्युतीकरणाचे काम वेगाने सुरू असून या मार्गावरील महत्त्वाच्या अशा सांगली आणि मिरज या दोन्ही शहरा दरम्यान विद्युतीकरण आणि दुहेरी करणाचे काम जवळ जवळ पूर्ण होत आले आहे. या मार्गावरील ताकारी ते शेणोली या मार्गाचे दुहेरीकरण व विद्युतीकरण यापूर्वीच पूर्ण झाले आहे. या मार्गावर रेल्वे तर्फे विजेवरील इंजिनाची यशस्वी चाचणीही घेण्यात आली. आता सांगली ते किर्लोस्करवाडी या मार्गावरील कामाला वेग आला आहे. येत्या काही महिन्यातच हे काम पूर्ण करण्यात येणार असल्याचे सांगण्यात आले.
