अचूक बातमी “तरुण भारत”ची, रविवार 24 ऑक्टोबर 2021, स. 11.00
● पॉझिटिव्हिटी दरही दोन टक्केच्या खाली
● शनिवारी रात्री अहवालात 58 बाधित
● 3 हजार 550 जणांची तपासणी
● पॉझिटिव्हिटी दर 1.63 टक्के
● संसर्ग आटोक्यात आल्याचा दिलासा
● एकूण सक्रीय रुग्ण 763
सातारा / प्रतिनिधी :
जिल्ह्यात सलग चौदाव्या दिवशीही बाधित वाढीचा आलेख शंभरच्या खाली राहिला असून गेल्या दोन-तीन दिवसात बाधित वाढ 50 ते 100 च्या दरम्यान स्थिर आहे. सध्या बाधित वाढीचा मंदावलेला वेग, घटलेला मृत्यूदर आणि वेगाने सुरू असलेले लसीकरण यामुळे पॉझिटिव्हिटी दराचा आलेखही दिलासादायक खाली घसरलेला आहे. गेले काही दिवस दोन टक्केवर स्थिर असलेला पॉझिटिव्हिटी दर शनिवारी रात्री अहवालात 1.63 टक्के एवढा राहिला आहे. आगामी दीपावली सणाची तयारी सुरू झाली आहे. कोरोनाचा कहर कमी झाला असला तरी काळजी घेऊन वाटचाल केल्यास लवकरच जिल्हा कोरोनामुक्त होईल.
शनिवारी रात्री अहवालात 58 बाधित
प्रशासनाकडून रविवारी सकाळी देण्यात आलेल्या शनिवारी रात्रीच्या अहवालातील माहितीनुसार 58 जणांचा अहवाल बाधित आलेला असून एकूण 3 हजार 550 जणांची तपासणी करण्यात आल्याची माहिती देण्यात आलेली आहे. पॉझिटिव्हिटी दराचा आलेख 1.63 टक्के एवढा ही खाली घसरला असून तपासण्यांचा वेगही जिल्ह्यात कमी झाला आहे. सक्रिय रूग्ण संख्येचा अनेक देखील खाली बसला आहे.
सर्व तालुके सावरले
ऑक्टोबर महिन्याच्या मध्यावर जिल्हय़ातील कोरोना संसर्गाचा आलेख मोठय़ा प्रमाणावर खाली घसरला आहे. एकीकडे वेगाने सुरु असलेले लसीकरण व दुसरीकडे मंदावत असलेली बाधित वाढ या स्थितीत रविवारी रात्रीच्या अहवालाने मोठा दिलासा दिला आहे. या अहवालातील नोंदीनुसार खंडाळा, कोरेगाव, महाबळेश्वर, पाटण व वाई तालुक्यात एकही नवीन रुग्ण समोर आला नाही. तर सहा तालुक्यात देखील अल्प वाढ आहे. गत आठ महिन्यात पहिल्यांदाच पाच तालुक्यात एकही नवीन रुग्ण आढळून आला नसल्याने जिल्हय़ाची वाटचाल कोरोनामुक्ती होण्याच्या आशा पल्लवित झालेल्या आहेत.
सातारा, कराड, फलटणमध्ये थोडी वळवळ
आता ऑक्टोबर महिन्याच्या मध्यास ही स्थिती दूर झालेले आहे. माण तालुक्यात देखील एक ही नवीन रुग्ण समोर आला नसल्याची स्थिती निर्माण झाली असून महाबळेश्वर, पाटण तालुका कोरोना मुक्त झालेला आहे. सध्या अल्प वाढ सुरू असली तरी त्यामध्ये देखील दोन अंकी अल्प संख्येच्या वाढीने सातारा, फलटण, माण, कराडमध्ये कोरोना थोडीशी वळवळ करतच आहे. बाकी सर्व तालुक्यात मंदावलेली वाढ जिल्हावासियांना दिलासा देत आहे.
लसीकरण 28 लाखांच्या नजीक
जिल्हय़ात लसीकरणाचा वेग वाढत असून यामुळे जिल्हय़ात लस घेणाऱ्या नागरिकांची एकूण संख्या 27 लाख 80 हजार 591 एवढी दिलासादायक झालेली असून यामध्ये पहिला डोस घेतलेल्या नागरिकांची संख्या 19 लाख 66 हजार 733 एवढी असून दुसरा डोस घेतलेल्या नागरिकांची संख्या 8 लाख 33 हजार 858 एवढी झालेली आहे.
शनिवारी जिल्ह्यात
नमुने- 3688
बाधित-66
मृत-3
मुक्त-68
शनिवारपर्यंत जिल्ह्यात
नमुने-22,04,646
बाधित-2,50,818
मुक्त-2,42,974
बळी-6,411
