पालकमंत्री उदय सामंत यांची सूचना : मुख्याधिकाऱयांसमवेत घेतली बैठक
प्रतिनिधी / ओरोस:
कोरोना प्रादुर्भाव रोखण्यासंदर्भात व लॉकडाऊनविषयी घेण्यात येणाऱया निर्णयांमध्ये सर्व नगर पालिकांमध्ये एकवाक्मयता असावी, अशा सूचना पालकमंत्री उदय सामंत यांनी केल्या. जिल्हय़ातील सर्व नगर पालिकांच्या मुख्याधिकाऱयांसमवेत पालकमंत्र्यांनी जिल्हाधिकारी कार्यालयातील नियोजन समितीच्या जुन्या सभागृहात बैठक घेतली. त्यावेळी ते बोलत होते.
यावेळी आमदार वैभव नाईक, जिल्हा बँक अध्यक्ष सतीश सावंत, संदेश पारकर, संजय पडते, जिल्हाधिकारी के. मंजुलक्ष्मी, मुख्य कार्यकारी अधिकारी हेमंत वसेकर, निवासी उपजिल्हाधिकारी शुभांगी साठे, जिल्हा नगर प्रशासन अधिकारी संतोष जिरगे यांच्यासह कणकवली, कुडाळ, मालवण, वेंगुर्ले, देवगड व वैभववाडीचे मुख्याधिकारी उपस्थित होते.
सर्व नगर पालिका क्षेत्रात सोशल डिस्टन्सिंगचे पालन करून हॉटेलमध्ये टेक अवेची पार्सल सुविधा सुरू करावी, असे सांगून पालकमंत्री म्हणाले, गर्दी होणार नाही, याची दक्षता घ्यावी. याची कार्यवाही आजपासूनच करावी. भाजी विपेत्यांना एका ठराविक वेळी बाजारात बसवण्यात यावे. दुकानदारांनी दुकान कशासाठी उघडले आहे, याचीही प्रत्यक्ष चौकशी करावी. दंड आकारताना त्या विषयी जिल्हाधिकाऱयांशी चर्चा करावी. कोणत्याही प्रकारची कारवाई कायद्यानेच करावी. शासनाच्या सूचनांनुसारच सर्व व्यवहार सुरू राहणार आहेत. त्याशिवाय इतर कोणतीही दुकाने सुरू राहणार नाहीत. कोणत्याही प्रकारचा निर्णय घेताना नगराध्यक्षांशी चर्चा करावी. नगरपालिका क्षेत्रात होणारे निर्णय व कामे यांचा अहवाल निवासी उपजिल्हाधिकाऱयांना पाठवावा, अशा सूचना पालकमंत्र्यांनी केल्या.
बेळगाव येथील भाजी बंद राहणार
बेळगाव येथे कोरोनाचा प्रादुर्भाव वाढत आहे. त्यामुळे बेळगाव येथून येणारी भाजी पूर्णत: बंद ठेवावी. याविषयी सर्व मुख्याधिकाऱयांनी याविषयी निर्णय घ्यावा. जिल्हाधिकारी व लोकप्रतिनिधी यांच्यासोबत चर्चा करूनच निर्णय घ्यावा. 3 तारीखपर्यंत जीवनावश्यक वस्तू, अत्यावश्यक सेवा व शासनाने सांगितलेल्या सेवाव्यतिरिक्त कोणासही सूट मिळणार नाही. मुख्याधिकाऱयांनी जिल्हाधिकाऱयांच्या निर्णयापेक्षा वेगळे निर्णय घेऊ नयेत, अशा सूचनाही पालकमंत्र्यांनी केल्या.
यावेळी पालकमंत्र्यांनी नगरपालिका क्षेत्रात सुरू असलेली कामे, नगरोत्थानमधील निधी व कामे, राष्ट्रीय महामार्गाचे काम व जिल्हय़ातील महत्वाच्या रस्ते कामांचाही आढावा घेतला.
