– विधानसभा अध्यक्ष नाना पटोले यांचे मुख्यमंत्र्यांना पत्र, उमेदवार वयोमर्यादेची अट शिथिल करा
प्रतिनिधी/मुंबई
राज्यातील सुशिक्षित बेरोजगार तरुणांची मोठी संख्या लक्षात घेता सरकारने 2021 मध्ये शासकीय सेवेत सध्या रिक्त असलेल्या एक लाखापेक्षा जास्त पदांसाठी सुधारित महापोर्टल तयार करुन भरतीप्रक्रिया सुरु करावी, अशी शिफारस विधानसभा अध्यक्ष नाना पटोले यांनी मुख्यमंत्री उद्धव ठाकरे यांना पत्र लिहून केली आहे.
त्यांनी दिलेल्या या पत्रात म्हटले आहे, मागील सरकारने मेगाभरतीचा फुगा फुगवून सुशिक्षित बेरोजगारांची दिशाभूल केल्याने तरुणांमध्ये मोठÎा प्रमाणात नैराश्याची भावना निर्माण झाली आहे. राज्याच्या अर्थचक्राला गती देणारा आणि राज्याच्या विकासात योगदान देणारा हा तरुण वर्ग अशा प्रकारे वैफल्यग्रस्त होणे उचित नाही. राज्यातील शासकीय सेवेत सध्या एक लाखांपेक्षा जास्त पदे रिक्त असून सुशिक्षित आणि होतकरु तरुण वर्ग महाराष्ट्र लोकसेवा आयोग वर्ग-1, वर्ग-2 आणि वर्ग-3 च्या सेवाभरती प्रक्रियेकडे डोळे लावून बसला आहे. यासंदर्भात होणारा विलंब त्यांच्यात नैराश्य आणि वैफल्य वाढविणारा ठरण्याची शक्यता आहे. कोरोनाची परिस्थिती आता बऱयापैकी नियंत्रणात येत असल्याने नवीन वर्षात 2021 पासून ही भरती प्रक्रिया सुधारित महापोर्टलद्वारे तातडीने सुरु करावी. तसेच कोरोना संदर्भात उद्भवलेल्या परिस्थितीमुळे उमेदवारांची वयोमर्यादा अट शिथिल करावी.
राज्यात मोठÎा संख्येने असणाऱया सुशिक्षित बेरोजगारांची भावना आणि राज्य सरकारकडून त्यांची असलेली अपेक्षा लक्षात घेता आपण यासंदर्भात लक्ष घालून तातडीने पावले उचलाल अशी अपेक्षा पटोले यांनी या पत्रातून व्यक्त केली आहे.
