समर्थ बचत गटातर्फे गरजू महिलांना जीवनावश्यक साहित्याचे वाटप

बेळगाव : बकरी मंडई येथील श्री समर्थ बचत गटातर्फे गरजू महिलांना जीवनावश्यक साहित्याचे वाटप करण्यात आले. क्लोजडाऊन काळात अनेकांना जीवनावश्यक साहित्य वेळेत मिळत नसल्याने गोरगरिबांचे हाल होत आहेत. अशा संकट काळात बचत गटातील शिल्लक रक्कम गोरगरीब महिलांच्या उपयोगी पडली आहे. यावेळी संसारोपयोगी साबण, तेल, कोलगेट, सॅनिटायझर, साखर, चहापावडर, डाळी आदी साहित्य महिलांना वाटप करण्यात आले. याप्रसंगी अध्यक्षा शीतल प्रभावळकर, रेणुका गवळी, सुनीता गतगळे, शिरिन कल्याणी, मंगल घोटणे, मंजुळा गवळी, माधुरी सुळगेकर, अनिता गवळी, तबसुन कल्याणी, सल्लमा पात्रा, रूपा गवळी, लक्ष्मी गवळी, दीपिका गवळी, संध्या गवळी, दीपा गवळी, शोभा गवळी आदी महिला उपस्थित होत्या.