मार्केट पोलिसांची कारवाई , 11 जणांना अटक
प्रतिनिधी / बेळगाव
समर्थनगर येथील एका मटका अड्डय़ावर छापा टाकून 11 जणांना अटक करण्यात आली आहे. बुधवारी रात्री मार्केट पोलिसांनी ही कारवाई केली असून त्यांच्या जवळून 27 हजार 320 रुपये जप्त करण्यात आले आहेत.
पोलीस उपायुक्त डॉ. विक्रम आमटे यांनी ही माहिती दिली आहे. सर्व 11 जणांवर मार्केट पोलीस स्थानकात एफआयआर दाखल करण्यात आले असून मार्केटचे पोलीस निरीक्षक संगमेश शिवयोगी व त्यांच्या सहकाऱयांनी ही कारवाई केली आहे. त्यांच्या जवळून 27 हजार 320 रुपये रोख रक्कम व आठ मोबाईल संच जप्त करण्यात आले आहेत.
सर्फराज महम्मदगौस शहापीरी (वय 21, रा. काकती), दशरथ भीमसी कांबळे (वय 40, रा. हुप्पार गल्ली, खासबाग), प्रकाश पांडुरंग मलसुरे (वय 64, रा. मीरापूर गल्ली, शहापूर), बसवराज जोतिबा पाटील (वय 38, रा. रयत गल्ली), मधु कल्लाप्पा नायक (वय 40, रा. माणिकबाग), अक्षय साळुंखे (वय 24, रा. शुक्रवारपेठ), अर्जुन मलनायक जक्कप्पन्नावर (वय 28, रा. कडोलकर गल्ली), खाजाहुसेन घोरी (वय 38, रा. विरभद्रनगर), आनंद प्रभू वेंकटपूर (वय 20, रा. समर्थनगर), चंद्रशेखर भरमाप्पा वेंकण्णावर (वय 39, रा. रामतीर्थनगर) अशी त्यांची नावे आहेत.
