युनियन जिमखाना संघ उपविजेता, नासीर पठाण मालिकावीर, वैभव कुरूबागी सामनावीर
क्रीडा प्रतिनिधी /बेळगाव
वैभव कुरूबाकी व किरण तारळेकर यांची भेदक गोलंदाजी व माजीद मकानदारच्या आक्रमक फलंदाजीच्या जोरावर के. आर. शेट्टी संघाने युनियन जिमखाना संघाचा अंतिम सामन्यात 12 धावाने पराभव करून पहिला सन्नीधी चषक पटकाविला. नासीर पठाणला मालिकावीर तर वैभव कुरूबागीला सामनावीर पुरस्कार देऊन गौरविण्यात आले.
युनियन जिमखाना मैदानावर खेळविण्यात आलेल्या पहिल्या उपांत्य सामन्यात आनंद अकादमीने प्रथम फलंदाजी करताना 10 षटकात 4 बाद 69 धावा केल्या. विनोद देवाडीगाने 1 षटकार 3 चौकारासह 42 धावा केल्या. के. आर. शेट्टीतर्फे अंगदराज हित्तलमनीने 4 धावात 2, रोहित पाटीलने 1 गडी बाद केला.
प्रत्युत्तरादाखल के. आर. शेट्टी संघाने 8.2 षटकात गडय़ांच्या बदल्यात 71 धावांसह विजय संपादन केला. दर्शन पाटीलने 2 षटकार 6 चौकारासह 25 चेंडूत नाबाद 46 धावा केल्या. आनंदतर्फे राहुल वाजंत्रीने 12 धावात 2 तर आनंद कुंभारने 1 गडी बाद केला.
दुसऱया उपांत्य सामन्यात बेळगाव स्पोर्ट्स क्लबने 10 षटकात 8 बाद 76 धावा केल्या. त्यात पार्थ पाटीलने 2 षटकार 3 चौकारासह 42 धावा केल्या. जिमखानातर्फे नासीर पठाणने 11 धावात 3 तर आनंद माळवीने 1 गडी बाद केला. प्रत्युत्तरादाखल जिमखाना संघाने 10.4 षटकात 4 गडी बाद 77 धावा करून सामना 6 गडय़ांनी जिंकला. त्यात यश कळसण्णावरने 1 षटकार 2 चौकारासह 24 तर रवी उकलीने 3 चौकारासह 20 धावा केल्या. बेळगाव स्पोर्ट्सतर्फे आकाश कटांबळेने 13 धावात 2 तर विजय पाटीलने 1 गडी बाद केला.
अंतिम सामन्यात के. आर. शेट्टी संघाने प्रथम फलंदाजी करताना 10 षटकात 8 बाद 87 धावा केल्या. माजीद मकानदारने 1 षटकारासह 19 तर स्वप्नील हेळवेने 1 षटकार 2 चौकारासह 16 धावा केल्या. जिमखानातर्फे अनंत माळवीने 11 धावात 3, रब्बानी दफेदारने 6 धावात 2 गडी बाद केले. प्रत्युत्तरादाखल खेळताना युनियन जिमखाना संघाला 10 षटकात सर्वबाद 75 धावांवर समाधान मानावे लागले. मदन बेळगावकरने 1 षटकारासह 14 तर रोहित देसाईने 10 धावा केल्या. के. आर. शेट्टीतर्फे किरण तारळेकरने 8 धावात 3, वैभव कुरीबागीने 17 धावात 3 तर नरेंद्र मांगुरेने 14 धावात 2 गडी बाद केले. सामन्यानंतर प्रमुख पाहुणे गुरमीतसिंग ताहिर सराफ, साकीब सराफ, महंमद गौर पिर पाशा, पुनीत शेट्टी, झेवियर गौस आदी मान्यवरांच्या हस्ते विजेत्या के. आर. शेट्टी व उपविजेत्या युनियन जिमखाना संघाला रोख रक्कम, आकर्षक चषक व पदके देऊन गौरविण्यात आले. अंतिम सामन्यातील सामनावीर वैभव कुरीबागी, उत्कृष्ट फलंदाज पार्थ पाटील, उत्कृष्ट गोलंदाज अंगदराज हित्तलमनी, मालिकावीर नासीर पठाण यांना चषक व रोख रक्कम देवून गौरविण्यात आले.
अंतिम सामन्यासाठी पंच म्हणून शहाबाज पठाण, प्रमोद पवार यांनी काम पाहिले. ही स्पर्धा यशस्वी करण्यासाठी नीना स्पोर्ट्सच्या पदाधिकाऱयांनी विशेष परिश्रम घेतले.
