बेंगळूर/प्रतिनिधी
कर्नाटक कॉंग्रेसने बेळगाव लोकसभा पोटनिवडणुकीसाठी सतीश जारकिहोळी यांच्या नावाची शिफारस केली आहे. दरम्यान काँग्रेसचे नेते आणि विरोधी पक्षनेते सिद्धरामय्या यांनी बुधवारी बेळगाव लोकसभेसाठी सतीश जारकिहोळी आमचे उमेदवार असतील असे जाहीर केले. तसेच काँग्रेसकडून चन्नाराज हत्तीहोळी आणि प्रकाश हुक्केरी यांचेही नावे चर्चेत होती.
दरम्यान भाजपकडून अजून बेळगाव लोकसभेसाठी उमेदवार जाहीर केलेला नाही. त्यामुळे भाजप कुणाला उमेदवारी देणार याकडे सर्वांचे लक्ष असून बेळगाव लोकसभेचा बालेकिल्ला भाजप राखणार का ? हे आता निवडणूक निकालानंतरच कळेल.
