बॉलिवूड सेलिब्रिटींच्या लोकप्रियतेला तोड नाही. बरेच सेलिब्रिटी सोशल मीडियावर सक्रिय आहेत. त्यांच्या फॉलोअर्सची संख्याही प्रचंड आहे. बर्याच सेलेब्जनी कुत्रा, मांजरांसारखे प्राणी पाळले आहेत. तेही सोशल मीडियावर लोकप्रिय आहेत. या प्राण्यांचेही बरेच फॉलोअर्स आहेत!
बर्याच सेलिब्रिटींनी प्राणी पाळले आहेत. सेलिब्रिटींप्रमाणे हे प्राणीही सोशल मीडियावर हिट आहेत. या प्राण्यांची सोशल मीडियावर खाती आहेत. त्यांचेही हजारो फॉलोअर्स आहेत. हे गोंडस प्राणी चाहत्यांना नेहमीच भुलवत असतात. प्रियांका चोप्राने कुत्रा पाळला आहे. डायना असं त्याचं नाव आहे. याच नावाने तिचं अकाउंटही आहे. प्रियांका डायनाचे क्यूट फोटो शेअर करत असते. डायना इन्स्टाग्रामवर सक्रीय आहे. इथे तिचे दीढ लाख फॉलोअर्स आहेत. ‘डायरीज ऑफ डायना’ या हॅशटॅगअंतर्गत तिचे फोटो शेअर होत असतात. जॉन अब्राहमलाही प्राण्यांची खूप आवड आहे. त्याच्याकडे दोन श्वान आहेत. बेली आणि सिआ अशी त्यांची नावं आहेत. जॉनचं या श्वानांवर खूप प्रेम आहे. हे श्वानही जॉनवर प्रेमाची बरसात करत असतात. बेली आणि सिआचे फोटो सोशल मीडियावर व्हायरल होत असतात. या श्वानांचे 15 ते 20 हजार फॉलोअर्स आहेत. जॉनने कोरोना व्हायरसबाबत जागरूकता निर्माण करण्यासाठी श्वानांचे मास्क घातलेले फोटो शेअर केले होते. तसंच या फोटोमध्ये सॅनिटायझरही दाखवण्यात आला होता. बेली आणि सिआ यांच्या फोटोंना भरपूर लाईक्स मिळत असतात. दिशा पटानीने चार प्राणी पाळले आहेत. तिच्याकडे दोन कुत्रे आणि दोन मांजरं आहेत. बेला, जस्मिन, गोकू आणि किटी अशी त्यांची नावं आहेत. या चौघांचं मिळून इन्स्टावर खातं आहे. या प्राण्यांचे जवळपास 22 हजार फॉलोअर्स आहेत. दिशा आपल्या या गोतावळ्यासोबतचे फोटो नेहमीच शेअर करत असते. रवीना टंडनकडे ल्युसिफर नावाचा गोंडस कुत्रा आहे. ल्युसिफरचं इन्स्टावर अकाउंट आहे. तिचेही दोन हजार फॉलोअर्स आहेत. आलिया भट्टकडे छानसं मांजर आहे. एडवर्ड भट्ट असं या मांजराचं नाव आहे. एडी भट्ट या नावाने तिचं इन्स्टावर खातं आहे. आलिया एडीचे बरेच फोटो शेअर करत असते. तिच्या फॉलोअर्सही संख्या कमी असली तरी ती हळूहळू वाढेल, अशी अपेक्षा आहे.
