कुंभोज /प्रतिनिधी :
प्राथमिक शिक्षक बँक मर्यादित कोल्हापूर शाखा हातकणंगले यांच्यावतीने देण्यात येणारा सन 2020 चा स्वच्छ सुंदर शाळा पुरस्कार नेज शिवपुरी ता. हातकणंगले येथील शिवापूर प्राथमिक विद्यामंदिरला मिळाला. शाळेसमोरील बगीच्या, ऑइल पेंटने रंगवलेल्या बोलके वर्ग, शाळेचा बोलका व्हरांडा, ई लर्निंग सुविधा, एक मूल एक झाड उपक्रम, स्वच्छतेचे नियमाचे पालन, हॅन्ड वॉश स्टेशन, कचराकुंडी यांची दखल घेऊन या पुरस्कारासाठी शिवापूर शाळेची निवड करण्यात आली आहे. या पुरस्काराचे वितरण 9 फेब्रुवारी रोजी होणार आहे. हा पुरस्कार जाहीर होताच शिवापूर प्राथमिक विद्यामंदिरवर अभिनंदनाचा वर्षाव होत आहे.
या शाळेसाठी सतत स्वच्छतेसह वेगवेगळे उपक्रम राबविण्यासाठी शाळेचे मुख्याध्यापक गुलाब गंजेली, अध्यापक फिरोज शिकलगार, बाबासाहेब अवघडे, प्रणाली कांबळे, ज्योती देवकुळे यांच्यासह शाळा व्यवस्थापन समिती सदस्य परिश्रम घेत असतात.
