शिवाजी विद्यालय येळ्ळूरमध्ये सेवानिवृत्त शिक्षकांचा सत्कार

बेळगाव : श्री शिवाजी विद्यालय येळ्ळूर येथील चित्रकला शिक्षक सी. बी. बंडाचे व विद्यालयाचे माजी विद्यार्थी व व्हीबीएसएस हायर प्रायमरी स्कूलचे मुख्याध्यापक पी. आर. गोरल यांचा सेवानिवृत्तीनिमित्त गुरुवार दि. 25 रोजी सत्कार झाला. कार्यक्रमाच्या अध्यक्षस्थानी विश्वभारत सेवा समितीचे अध्यक्ष विजय नंदिहळ्ळी होते. प्रारंभी ईशस्तवन व स्वागतगीत झाले. रविवारपेठ बेळगाव येथील गुळाचे व्यापारी मिलिंद पाटील यांच्या हस्ते सरस्वती प्रतिमेचे पूजन झाले. कार्यक्रमाला प्रमुख वक्ते म्हणून सेवानिवृत्त गणित शिक्षक बी. एस. पाटील उपस्थित होते. प्रास्ताविक मुख्याध्यापक एम. बी. बाचीकर यांनी केले. श्री शिवाजी विद्यालयाचे चित्रकला शिक्षक सी. बी. बंडाचे व त्यांच्या पत्नी अर्चना बंडाचे तसेच प्रायमरी स्कूलचे मुख्याध्यापक पी. आर. गोरल व त्यांच्या पत्नी चंदा गोरल यांचा विद्यालयाच्यावतीने सत्कार करण्यात आला. यावेळी शाळेचे विद्यार्थी प्रशांत मुरकुटे, आरती गोरल यांनी मनोगत व्यक्त केले. शिक्षकांच्यावतीने एच. एस. लोकळुचे यांनी शुभेच्छा दिल्या. नववी व दहावीच्या तसेच माजी विद्यार्थ्यांनी भेटवस्तू देऊन शिक्षकांचा सत्कार केला. सत्काराबद्दल कृतज्ञता व्यक्त करून सी. बी. बंडाचे यांनी विद्यालयाला 50 खुर्च्या भेट दिल्या. पी. आर. गोरल यांनी प्रिंटर कम झेरॉक्स मशीन भेट दिली. कार्यक्रमाचे प्रमुख वक्ते बी. एस. पाटील यांनी मार्गदर्शन केले. यावेळी विश्वभारत सेवा समितीचे सेक्रेटरी बी. डी. पाटील, सल्लागार जी. एस. काळसेकर, बळीराम देसूरकर, अनेक शाळांचे आजी-माजी मुख्याध्यापक, शिक्षक, विद्यार्थी उपस्थित होते. सूत्रसंचालन एस. बी. मजुकर यांनी केले. विद्या पाटील यांनी आभार मानले.