शिये / वार्ताहर
शिये (ता. करवीर) येथील शेतकरी संघटनेच्यावतीने राज्यमार्गावर क्रशर परिसरात पडलेल्या खड्ड्यात प्रतीकात्मक वृक्षारोपण करून सार्वजनिक बांधकाम विभागाचा निषेध केला. तसेच संबंधित विभागाने तात्काळ खड्डे न मुजवल्यास तीव्र आंदोलन करणार असल्याचा इशारा जिल्हाध्यक्ष माणिक शिंदे यांनी दिला.
“राज्यमार्गावरील खड्ड्यांमुळे प्रवास धोकादायक” या मथळ्याची बातमी दैनिक तरुण भारत मधून २० जुलै रोजी प्रसिद्ध झाली होती. सदर वृत्ताची दखल घेत सार्वजनिक बांधकाम विभागाच्या अधिकाऱ्यांनी तात्काळ मुरमीकरण व खडीकरण करण्याचे आश्वासन दिले होते. तरीही खड्डे मुजवले नसल्याने गुरुवारी दुपारी शेतकरी संघटनेच्या वतीने वृक्षारोपण करून निषेध व्यक्त करण्यात आला.
यावेळी शेतकरी संघटनेचे जिल्हाध्यक्ष अॅड. माणिक शिंदे, बाबासो गोसावी, धनाजी चौगले, के. बी. खुटाळे, संदीप माळी, संदीप पाटील (भैय्या), तानाजी चव्हाण, महादेव चोपदार यांच्यासह कार्यकर्ते उपस्थित होते.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
