प्रतिनिधी / वाकरे
शिंगणापूर (ता.करवीर ) येथे भोगावती नदीत मासेमारी करण्यासाठी गेलेला तरुण बंधाऱ्यावर दुचाकी स्लीप होऊन झालेल्या अपघातानंतर बंधाऱ्यात पडून वाहून गेला. जयकुमार बाबुराव जाधव ( वय ४०) असे या तरुणीचे नाव आहे. घटनास्थळी अग्निशमन दलाचे जवान दाखल झाले असून बुडालेल्या तरूणाचा शोध घेण्यात येत आहे.
याबाबत घटनास्थळी मिळालेली माहिती अशी की चंबुखडी, गोपाळ वसाहत येथील जयकुमार बाबूराव जाधव हा तरूण नेहमीप्रमाणे रविवारी सकाळी मासे पकडण्यासाठी गेला होता. मासे पकडून झाल्यानंतर घरी परतत असताना सकाळी झालेल्या पावसामुळे चिखलात त्याची दुचाकी घसरली आणि तो पाण्यात पडून वाहून गेला. तो वाहत जात असताना काही प्रत्यक्षदर्शीनी पाहिले. अग्निशमन दलाकडून शोधमोहिम सुरू असून दुपारपर्यंत तरूणाचा शोध लागलेला नव्हता.
